За моли́тв святы́х оте́ц на́ших, Го́споди Ису́се Хри­сте́, Сы́не Бо́жии, поми́луй нас. Ами́нь.

Прииди́те, поклони́мся Царе́ви на́шему Бо́гу (поклон).

Прииди́те, поклони́мся Христу́ Царе́ви и Бо́гу на́­шему (поклон).

Прииди́те, поклони́мся и припаде́м к самому́ Го́с­поду Ису́су Христу́ Царе́ви и Бо́гу на́шему (поклон)

Слава, и ныне. Аллилуия (трижды). Господи поми­луй (трижды): Слава, тропарь дню, или святому. И ныне: Богоро́дице, Ты еси́ лоза́ и́стинная.

Аще ли есть пост, глаголи сие, на глас 6, трижды: Го́споди И́же Пресвяты́и Свой Дух, в тре́тии час апо́с­толом Свои́м посла́выи, того́ Благи́и не отими́ от нас, но обнови́ нас моля́щихтися.

Стих: Се́рдце чи́сто сози́жди во мне Бо́же, и Дух прав обнови́ во утро́бе мое́й.

Стих: Не отве́рзи мене́ от лица́ Твоего́, и Ду́ха Тво­его́ Свята́го не отыми́ от мене́. И по коемждо стисе: Господи, Иже Пресвятый Свой Дух, весь до конца. И поклоны три. Посем, Сла́ва, и ны́не:

Богоро́дице, Ты еси́ лоза́ и́стинная, возрасти́вшая нам плод живо́тныи, Тебе́ мо́лимся, мол́ся Влады́чи­це, со святы́ми апо́столы, поми́ловатися душа́м на́шим.

Госпо́дь Бог благослове́н, благослове́н Госпо́дь день дне. Поспеши́т нам Бог спасе́нии на́ших, Бог наш, Бог спаса́ти. Трисвятое. И по Отче наш, кондак дню, или святому, или празднику.

Благослове́н еси́, Христе́ Бо́же наш, И́же прему́дры ловцы́ явле́и, низпосла́в им Дух Святы́и, и те́ми улов­ле́н вселе́нную. Человеколю́бче, сла́ва Тебе́.

Слава. Егда́ сшед язы́ки размеси́, разделя́ше пле­мена́ Вы́шнии. Егда́ же о́гненыя язы́ки разда́л, в совокупле́ние вся призва́, единогла́сно сла́вити Всесвяты́и Дух.

И ныне. Наде́же и засту́пнице, и прибе́жище христия́ном, и необори́мая стено́, изнемога́ющим и тружда́ющимся в пучи́не, приста́нище ти́хое Ты еси́, Пречи́стая Богоро́дице. Но я́ко мир избавля́вши непреста́н­ною Си моли́твою, помяни́ нас, Де́во Всепе́тая. Гос­поди помилуй (40). Посем молитва святаго Великаго Василия:

И́же на вся́ко вре́мя, и на всяк час, на́ небеси и на земли́ поклоня́емыи и сла́вимыи, Бо́же Благи́и, долготерпели́ве и многоми́лостиве: И́же пра́ведники любя́, и гре́шных ми́луя, И́же всех зовы́и ко спасе́нию, обеща́­ния ра́ди бу́дущих благ: сам Го́споди, приими́ моли́твы на́ша в час сей, и в бла́гости испра́ви живо́т наш к за́поведем Твои́м. Душа́ на́ша освяти́, и телеса́ очи́сти, помышле́ния испра́ви, и мы́сли очи́сти. Ра́зум уцелому́дри и истрезви́, и изба́ви нас от вся́кия ско́рби, зол и боле́зней и душе́вных страсте́й. И огради́ нас святы́ми а́нгелы Твои́ми, я́ко да ополче́нием их со блюда́еми и наставля́еми, дости́гнем во еди́нство ве́ры, и в ра́зум неприкоснове́нный Ти сла́вы. Я́ко благо слове́н еси́ во́ веки, ами́нь.

Влады́ко Бо́же, О́тче Вседержи́телю, и Го́споди Сы­́не Единоро́дный Ису́се Христе́, и Святы́и Ду́ше. Еди́но Бо́жество и еди́на си́ла, поми́луй мя гре́шнаго, и и́ми же ве́си судьба́ми, спаси́ мя недосто́йнаго раба́ Твоего́, я́ко благослове́н еси́ во́ веки, ами́нь.