Облако тегов
павел октября ирмос отче при́сно исус псалом человек древлеправославное христос богородицы радуися господи человеколю́бец архипастырское священномучеников молитва поста катавасия вечерня церкви рпсц святаго поклон животворя́щаго слава служба христа аминь храм тропарь день помилуй утреня сердце литургия воскресе́ние поми́луй святых смерть церковь душа исповеди старообрядческий кондак иоанн тебе крест храме корнилий пресвятыя
Псалом 84
Благоволи́л е́си Го́споди, зе́млю Твою́, возврати́л еси́ плен Ия́ковль. Оста́вил еси́ беззако́ния лю́дем Твои́м, покры́л еси́ вся грехи́ их. Укроти́л еси́ весь гнев Твой, возврати́л еси́ от гнева я́рости Твоея́. Возврати́ нас, Бо́же спасе́нии на́ших, и возврати́ я́рость Твою́ от нас. Еда́ во́ веки прогне́ваешися на ны, или́ про́стреши гнев Свой о́т рода в род. Бо́же, Ты обра́щ живи́ши ны, и лю́дие Твои́ возвеселя́тся о Тебе́. Яви́ нам Го́споди, ми́лость Твою́, и спасе́ние Твое́ даждь нам. Услы́шу, что рече́т о мне Госпо́дь Бог; я́ко рече́т мир на́ люди Своя́ и на преподо́бный Своя́, и на обраща́ющий сердца́ к Нему́. Оба́че близ боя́щихся Его́, спасе́ние Его́, всели́ти сла́ву в зе́млю на́шу. Ми́лость и и́стина срето́стеся, пра́вда и мир облобыза́стася. И́стина от земли́ восия́, и пра́вда с небесе́ прини́че. И́бо Госпо́дь даст бла́гость, и земля́ на́ша даст плод свой. Пра́вда пред Ним предъи́дет, и положи́т в путь стопы́ своя́.
Добавить комментарий