Облако тегов
человеколю́бец крест человек тропарь храме богородицы смерть день ирмос отче древлеправославное поми́луй иоанн псалом церкви храм поста душа воскресе́ние тебе рпсц радуися святаго христа господи поклон старообрядческий октября при́сно павел исповеди утреня вечерня корнилий сердце архипастырское служба литургия животворя́щаго слава христос катавасия кондак помилуй исус священномучеников молитва пресвятыя церковь святых аминь
Псалом 16
Услы́ши Го́споди, пра́вду мою́, вонми́ моле́ние мое́. Внуши́ моли́тву мою́, не во устна́х льсти́вых. От лица́ Твоего́ судьба́ моя́ изы́дет, о́чи мои́ да ви́дите пра́воты. Искуси́л еси́ се́рдце мое́, посети́л еси́ но́щию, искуси́л мя еси́, и не обре́теся во мне непра́вда. Яко да не возглаголю́т уста́ моя́ дел челове́ческих за словеса́ усте́н Твои́х. Аз сохрани́х пути́ же́стоки. Соверши́ стопы́ моя́ во стезя́х Твои́х, да не подви́жутся стопы́ моя́. Аз возва́х, я́ко услы́ша мя Бо́же, приклони́ у́хо Твое́ ко мне, и услы́ши глаго́лы моя́. Удиви́ ми́лости Твоя́, спаса́яи упова́ющих на Тя. От проти́вящихся десни́це Твое́й, сохрани́ мя Го́споди, я́ко зе́ницу о́ка. В кро́ве крилу́ Твое́ю покры́еши мя, от лица́ нечести́вых остра́стьших мя. Врази́ мои́ ду́шу мою́ удержа́ша. Тук свой затворйи́ша, уста́ их глаго́лаша горды́ню. Изгоня́щии мя ны́не обыдо́ша мя, о́чи свои́ возложи́ша уклони́ти на́ землю. Объя́ша мя я́ко лев гото́в на́ лов, и я́ко ски́мен обита́я в сокро́вищих. Воскресни́ Го́споди, предвари́ я, и запни́ им; изми́ ду́шу мою́ от нечести́вых ору́жия Твоя́, от рук враг Твои́х. Го́споди, отма́ль от земли́ раздели́ я в животе́ их, и сокрове́нных Твои́х испо́лнися утро́ба их. Насы́тишася сыно́в, и оста́виша оста́нки младе́нцем свои́м. Аз же пра́вдою явлю́ся лицу́ Твоему́, насы́щуся всегда́ яви́тмися сла́ва Твоя́.
Добавить комментарий