Облако тегов
молитва священномучеников тропарь ирмос при́сно воскресе́ние иоанн аминь древлеправославное святых рпсц павел человек церковь корнилий крест исус слава пресвятыя христос поклон катавасия радуися церкви отче октября кондак святаго животворя́щаго помилуй утреня смерть богородицы храме душа литургия тебе человеколю́бец господи сердце поста архипастырское христа вечерня служба поми́луй день старообрядческий храм исповеди псалом
Псалом 33
Благословлю́ Го́спода на вся́ко вре́мя, вы́ну хвала́ Его́ во усте́х мои́х. О́ Господе похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мною́, и вознесе́м и́мя Его́ вку́пе. Взыска́х Го́спода и услы́ша мя, и от всех ско́рбий мои́х изба́ви мя. Приступи́те к Не́му и просвети́теся и ли́ца ва́ша не постыдя́тся. Се ни́щии возва́, и Госпо́дь услы́ша и́, и от всех ско́рбий его́ спасе и́. Ополчи́тся а́нгел Госпо́день о́крест боя́щихся Его́, и изба́вит их. Вкуси́те и ви́дите, я́ко благ Госпо́дь, блаже́н муж, и́же упова́ет На́нь. Бо́йтеся Го́спода вси святи́и Его́, я́ко несть лише́ния боя́щимся Его́. Бога́тии обнища́ша и взалка́ша, взыска́ющии же Го́спода не лиша́тся от вся́каго бла́га. Прииди́те ча́да послу́шайте мене́, стра́ху Госпо́дню научу́ вас. Кто есть челове́к хотя́и живо́т, любя́и дни ви́дети бла́ги; Удержи́ язы́к свой от зла, и устне́ свои́ е́же не глаго́лати льсти. Уклони́ся от зла, и сотвори́ бла́го, взыщи́ мир, и пожени́ и́. О́чи Госпо́дни на пра́ведныя, и у́ши Его́ в моли́тву их. Лице́ же Госпо́дне на творя́щия зла́я, е́же потреби́ти от земли́ па́мять их. Возва́ша пра́веднии, и Госпо́дь услы́ша их, и от всех печа́лей их изба́ви их. Близ Госпо́дь сокруше́нных сердце́м, и смире́нныя ду́хом спасе́т. Мно́ги ско́рби пра́ведным, и от всех их изба́вит я́ Госпо́дь. Храни́т Госпо́дь вся ко́сти их, и ни еди́на от них сокруши́тся. Смерть гре́шником люта́, и ненави́дящии пра́веднаго прегреша́т. Изба́вит Госпо́дь душа́ раб Свои́х, и не прегреша́т вси упова́ющии Нань. Досто́йно есть, я́ко вои́стину блажи́ти Тя, Богоро́дице, при́сно блаже́нную и пренепоро́чную, и Ма́терь Бо́га на́шего. Честне́йшую херуви́м, и сла́внейшую вои́стину серафи́м, без истле́ния Бо́га Сло́ва ро́ждьшую, су́щую Богоро́дицу, Тя велича́ем.
Добавить комментарий